Quece motores esta semana a cidade para a manifestación estatal “Acabemos co negocio da Vivenda” deste sábado 5 de abril. Unha cita que sairá ás 12h da Praza de Ourense, fronte á Delegación do Goberno e continuará polos Cantóns e pola Avenida da Marina, culminando fronte ao Concello, na praza de María Pita.
Colectivos como o Sindicato de Barrio da Falperra/Os Malllos e a Revolteira afían a catelería e mobilizan as redes sociais para unha cita que ten que ser histórica na loita por unha vivenda digna.
Toca que saiamos á rúa para dicir basta ao encarecemento do custo das nosas casas, nunha cidade ademais que conta cun parque de 20.000 vivendas baleiras.
Porque a realidade é que o problema de acceso á vivenda leva agudizándose de xeito dramático nos últimos anos. A suba desorbitada dos prezos dos alugueres, o auxe dos pisos turísticos, as dinámicas especulativas e, en definitiva, o tratamento da vivenda como ben de mercado contribúen ó enriquecemento dunha minoría rentista á costa do empobrecemento da clase traballadora que, no caso de poder acceder a unha vivenda.
A precariedade, a inestabilidade, os problemas de desafiuzamentos, coa infravivenda… cada vez son máis graves mesmo para as familias traballadoras, que cada vez temos que adicar a maior parte dos nosos ingresos a pagar alugueres desproporcionados ou hipotecas que nos atan durante décadas.
O modelo inmobiliario capitalista actual seguirá expulsándonos das nosas casas, das nosas vidas, se non obrigamos á clase política a tomar medidas, e obrigar a que a vivenda sexa tratada como como dereito básico, non como como un negocio, unha mercadoría ou un instrumento para a acumulación de riqueza.
As demandas xenéricas dos colectivos sociais arredor do movemento acabemosconelnegocio, son claras:
- Redución e control dos prezos dos alugueres.
- Regulación e limitación dos alugueres turísticos.
- Recuperación das vivendas baleiras para uso habitacional.
- Freno á compra especulativa de vivenda.
Máis novas de vivenda e urbanismo
As 10 promocións urbanísticas formuladas na Coruña prevén a construción de 18.000 novas vivendas
“Co Master Plan Coruña Marítima enfróntamos a unhas propostas anacrónicas”
#Ninmedionormal, a campaña de @o.novo.normal.coruna pola Emerxencia Inmobiliaria
