39 talleres artísticos da cidade participarán na nova edición da xornada Estudios Abertos. Unha cita para que a sociedade coñeza dende dentro os espazos de creación dos artistas da cidade, que se desenvolverá o domingo 11 de maio, en horario de 11.00 a 21.00 horas.
Á presentación, celebrada no Palacio Municipal de María Pita, tamén asistiron Pedro Bueno, Gosia Trebacz, Anna Franke, Noemí Penela, Luis Mazorra, Luis Rapela, Carlota Bueno, Bego Tojo, Luisa Valdés, Julia Ares, Mónica Coto, Pilar Fandiño, Laureno Vidal, Giovanni Ramírez, Sofía Cabrera e Xermán Rodríguez.
Participarán profesionais das diferentes artísticas: escultura, pintura, fotografía, ilustración, debuxo, cerámica ou multidisciplinar. O acceso para a cidadanía é gratuíto e os estudios contarán con programación propia durante toda a xornada, que incluirá a participación de artistas convidados e outras sorpresas.
O detalle de todas as actividades paralelas desta edición irase dando a coñecer nas redes sociais de Estudios Abertos e na páxina web www.coruna.gal/estudiosabertos, onde xa podedes descargar o plano.
