InicioCULTURAAlberto Pombo e Manuel Rivas comparten o Premio Losada Diéguez

Alberto Pombo e Manuel Rivas comparten o Premio Losada Diéguez

Publicada o

Por editor

A edición número XL do Premio Antón Losada Diéguez, convocado polos concellos de Boborás e O Carballiño, co patrocinio da Deputación de Ourense, distinguiu as obras de Alberto Pombo e Manuel Rivas de entre os traballos publicados en 2024. Escollidos de xeito unánime, cada un dos autores recibirá un premio de 6.000 euros, ademais dunha peza do escultor Acisclo Manzano.

Alberto Pombo, profesor de literatura e promotor da iniciativa cultural “Aquí tamén se fala”, a maior campaña pola lingua exercida activamente pola mocidade, foi o gañador da modalidade de Investigación e Ensaio pola súa obra Verso e acorde. Relacións entre literatura galega e música pop (1950-2000), publicada por Edicións Xerais e que parte dunha documentada tese de doutoramento que trae á luz a relación entre a música popular (pop, rock, punk, heavy metal, bravú, música infantil) e a literatura galega.

O xurado sinalou a contribución ao coñecemento da «outra música» e destacou o tratamento da abordaxe histórica coa nova metodoloxía dos estudos culturais argumentando que: «Desprega ante o público lector a obra dunha xeración que soubo arrequecer o panorama musical do século XX desde o compromiso coa cultura de noso».

Rivas. Foto Alberto Pombo
Rivas. Foto Alberto Pombo

No caso de Manolo Rivas, flamante premio nacional de literatura, e recentemente recoñecido como Coruñés do Ano polo Circo de Artesáns, o xurado distinguiu a súa última novela, Tras do Ceo, de Edicións Xerais, como gañadora da modalidade de Creación Literaria, destacando a calidade literaria e lingüística dunha obra que, recuperando elementos xa clásicos na produción do autor, constrúe un universo narrativo absolutamente actual e pon o foco no choque entre a natureza e unha civilización que se revela como destrutora do hábitat que nos fai seres humanos.

Recoñeceron que o escritor «manexa con suma habelencia unha progresiva tensión narrativa» a partir de escenas marcadas pola desigualdade, a explotación, a violencia e a destrución, co obxectivo de provocar a reflexión no lector e de penetrar nas emocións e sentimentos máis profundos, aqueles que resultan difíciles de expresar con palabras.

Xurado

O xurado foi constituído por Diego Fernández Nogueira (concelleiro de Cultura do Carballiño que actuou como presidente), Patricia Torres (alcaldesa de Boborás), César Fernández (Deputado provincial de Cultura) Lourenzo Fernández (da Real Academia Galega); Dolores Vilavedra (do Consello da Cultura Galega); María Xosé Fernández (do Museo do Pobo Galego); e por Antonio Salgado, Benigno Salgado e Carme Fernández (coma representantes respectivos das universidades de Santiago, Vigo e A Coruña, respectivamente).

Máis novas

Alberto Pombo teceu pontes na Barbería entre a música pop e a literaruta galega

Por que o #Aquítaménsefala trascende o IES Rafael Dieste

Manuel Rivas estrea o premio Coruñés do Ano do Circo de Artesáns

ÚLTIMAS

O Concello da Coruña prepara os trámites para a intervención na vivenda tras declararse mercado tensionado

O Concello da Coruña ultima os trámites para actuar no mercado do aluguer tras...

Investigan un aviso de bomba no CHUAC que acabou sendo unha falsa alarma

A Policía Nacional investiga a autoría dun aviso de bomba no complexo hospitalario coruñés...

Xuíces da Coruña rexeitan crear unha praza de Violencia sobre a Muller “a costa” de Instrución

Xuíces e xuízas dos órganos de Instrución da Coruña alertaron de "prexuízos moi considerables"...

O BNG da Coruña pide a cancelación do concerto de Diego ‘El Cigala’, condenado por violencia de xénero

O BNG pediu ao Concello da Coruña que cancele a actuación de Diego 'El...

DEIXAR UN COMENTARIO

Please enter your comment!
Please enter your name here