O Tribunal Superior de Xustiza de Galicia (TSXG) desestimou a solicitude de adopción de medida cautelar consistente na suspensión da execución do acto de levantamento de actas de ocupación, no marco do procedemento de expropiación para a execución das obras do novo Complexo Hospitalario Universitario da Coruña (CHUAC), declaradas de interese autonómico.

Así, a sección terceira do alto tribunal galego desestimou un recurso que solicitaba esa suspensión, e sinala que, aínda que se podería falar de “unha carencia sobrevinda de obxecto da cautelar a xulgar polas datas”, atendendo á finalidade directa para a que se produciu a ocupación da porción da leira dos afectados, “desde a perspectiva da necesaria ponderación dos intereses en conflito debe prevalecer o interese xeral na execución completa (integral) do proxecto para o que se expropia, fronte aos intereses particulares que se tratan de protexer coa solicitude cautelar”.

Por outra banda, o TSXG tamén sinala que “para determinar se a xustificación de ocupación desa porción de terreo da leira dos recorrentes que contén o proxecto é ou non suficiente, se está suficientemente motivada, ou se se xustificou ou non debidamente a necesidade urxente de ocupación, será necesario analizar tanto a proba como a argumentación dos escritos presentados polas partes, o que non pode suceder en sede cautelar, senón xa en sentenza”.

Máis novas

A Xunta publica unha modificación de bens sobre as expropiacións para a ampliación do CHUAC