A conselleira de Vivenda e Panificación de Infraestruturas, María Martínez Allegue, negou “ningún obstáculo” na tramitación da Coruña como zona de mercado residencial tensionado, explicando que se pediu máis documentación necesaria ao Concello.
Preguntada polo tema, tras críticas da alcaldesa coruñesa, Inés Rei, que acusou á Xunta de “torpedear” a solicitude da Coruña como zona tensionada, Allegue dixo que non se están tendo problemas, senón que se requiriu máis documentación ao goberno local.
Tal como explicou a conselleira, despois de que os técnicos do Instituto Galego de Vivenda e Solo analizasen todos os papeis da solicitude “en 15 días”, agora requiriuse ao Concello máis documentación “adicional” e “aclaracións” por “erros documentais”.
A partir de aí, unha vez o Executivo autonómico teña esta nova documentación, seguirá coa tramitación, engadiu Allegue. “Non se trata de ningún obstáculo nin moitísimo menos, senón de que teñen que presentar a documentación que se corresponde coa normativa establecida”, sentenciou.
