Arrinca este venres 16 de maio a segunda edición do Folk no Colón. A mítica banda galega Treixadura estará a partir das 21.00 horas, aínda coas últimas entradas, a partir de 16 euros, están á venda a través de Ataquilla, na praza de Ourense e, este mesmo venres antes do espectáculo, no despacho de billetes do propio Teatro Colón.

Desde 1990, Treixadura leva aos escenarios un espectáculo único que combina o canto e a gaita e eleva a música tradicional ao máis alto nivel artístico. Fieis á súa esencia, rescataron melodías do anonimato, crearon novas composicións e compartiron a forza evocadora do canto colectivo.

Cunha traxectoria de 8 discos, colaboracións con figuras como Rodrigo Romaní ou Kepa Junkera, Treixadura representa a ponte viva entre a raíz cultural galega e a súa reinterpretación contemporánea. Unha experiencia emocionante que converte o público no verdadeiro protagonista de cada concerto.

II Folk no Colón

● 16 de maio | Treixadura
● 6 de xuño | Abraham Cupeiro
● 10 de setembro | Capercaillie
● 11 de outubro | Milladoiro
● 9 de novembro | Tiruleque
● 21 de novembro | Felisa Segade
● 20 de decembro | Xabier Díaz & Adufeiras de Salitre
● 26 de decembro | Carlos Núñez