Dous estudantes da Universidade da Coruña (UDC) resultaron vencedores no concurso nacional ‘Adiccións: o teu punto de mira’ na categoría de vídeos de Youtube. Segundo informa o reitorado, Lucía Vázquez Amor e Diego Otero Saavedra foron recoñecidos co primeiro e segundo premio, respectivamente, entre 217 propostas.
O certame forma parte do programa ‘O teu PUNTO’, unha iniciativa promovida pola Delegación do Goberno para o Plan Nacional sobre Drogas. O mesmo, remarcan desde a institución académica, “busca promover a reflexión crítica sobre as condutas aditivas entre o alumnado universitario”.
