A entidade Álas Coruña vén de ser unha das galardoadas nos Premios Triángulo 2025 que outorga COGAM, colectivo LGTBI+ da Comunidade de Madrid.
A herculina compartira protagonismo co expresidente do Goberno José Luís Rodríguez Zapatero, a comunicadora e influencer Inés Hernand, a creadora de contido Carla Flila, a cantaora e percusionista de flamenco Noelia Heredia, ‘La Negri’, que tamén recibirán o recoñecemento na gala da 35 edición dos remios Triángulo 2025terá lugar a partir das 19.00 horas no Espazo Larra de Madrid.
Con estes premios búscase recoñecer a persoas e institucións que contribuíron significativamente á visibilidade e defensa dos dereitos LGTBI+, así como destacar “o compromiso e o labor en favor da igualdade e a diversidade”.
Ademais de recoñecer o labor durante o ano de persoas e organizacións que loitan a favor dos dereitos das persoas LGTB, tamén se denuncia a quen fai todo o contrario, outorgándolle o Ladrillo Rosa, que nesta ocasión será para o xuíz Carlos del Valle.
Igualmente, destacarase a participación de históricos activistas outorgando as bandeiras da militancia a Mario Campano e Sonia González polo seu labor durante anos a favor do colectivo LGTBIQ+.
“Nun contexto onde os discursos de odio volven ocupar espazos e cuéstionanse dereitos que criamos consolidados, é máis importante que nunca recoñecer a quen se sitúan con firmeza ao lado da igualdade, a diversidade e a xustiza social”, destacou Ronny da Cruz, presidente de COGAM.
Así mesmo, lembrou que este ano se celebran 20 anos do matrimonio igualitario en España, “unha conquista histórica que lembra que nada se consegue sen loita, sen aliados e sen cultura que nos represente”.
Máis novas
O Corufest 2025 entrega o recoñecemento Samuel Luiz ao colectivo LGTBIQ+ Alas Coruña
