Unah vez analizadas as recén publicadas as Bases Estratéxicas do proxecto Coruña Marítima, a Plataforma Defensa do Común volve denunciar que a especulación urbanística vai ser protagonista da meirande transformación urbana do século.
A entidade denuncia que os “plegos recoñecen o escenario da privatización”, e que “contrariamente ao declarado polo goberno local, os Convenios do 2004 seguen vixentes”. Apunta que “os cambios introducidos sobre as Bases iniciais, incorporando algunhas das alegacións presentadas, non alteran o escenario privatizador do que se propón para o concurso”.
Os pregos relatan que unicamente queda garantida a titularidade pública (mediante fórmula concesional) dos peiraos de Batería-Calvo Sotelo, pero deixan aberta a posibilidade para “a privatización (previa desafectación) de parte do actual dominio público portuario (peirao de San Diego), a degradación e subsidiariedade do uso portuario, a introdución de usos residenciais e terciarios como fonte de obtención de plusvalías, o condicionante do pago da débeda como referente para o conxunto da operación (coa correlativa non esixencia de condonación da débeda)”, como xa viñan denunciando as entidades sociais implicadas no proxecto.
Para as entidades, “a débeda da Autoridade Portuaria e o pago da débeda é un eixo transversal e condicionante a cumprir, a pesar do cal non é obxecto de análise, nen no documento de Bases nen tampouco unha esixencia a incluír nos proxectos a presentar ao concurso”.
Critican tamén a redución da superficie para uso portuario, como lamentaba o propio patrón maior.
Advirten ademais “a indeterminación sobre a composición do comité de expertos que debe avalir os proxectos presentados”.
Máis novas
“A xoia da cidade, a fachada marítima, como vai depender dunha débeda entre administracións?”
O “evento cidadán” da Comisión Coruña Marítima búrlase do significado de participación cidadá
Mellor!