A sección segunda da Audiencia Provincial da Coruña celebrará os días 3 e 5 un xuízo por un delito doloso de lesións en concurso con outro de homicidio por imprudencia grave polo que se pide para un cidadán colombiano unha pena de catro anos de cárcere.

No seu escrito de cualificación, Fiscalía sostén que na tarde do 13 de abril de 2021 o acusado pasaba por unha zona utilizada como aparcadoiro en Carballo, atopándose cunha persoa coa que non mantiña boa relación.

Ao pasar preto deste e pensar que realizara algún tipo de comentario racista sobre a súa persoa, agrediulle. Deulle, sinala Fiscalía, unha patada por detrás.

Posteriormente varios golpes ata que a vítima, ao perder o equilibrio, golpéase contra un alicerce e a parede de formigón dun edificio caendo ao chan e recibindo nesa situación un forte golpe na cabeza. Debido a iso sufriu un severo traumatismo cranio encefálico falecendo pouco despois.