InicioM.AMBIENTE E PATRIMONIOMar de Fábula celebra a Semana dos Océanos con dúas limpezas colaborativas...

Mar de Fábula celebra a Semana dos Océanos con dúas limpezas colaborativas e sociais en Riazor e Camelle

Publicada o

Por Ubaldo Cerqueiro

O Día dos Océanos é un día marcado no calendario da comprometida Asociación Mar de Fábula. De feito, a entidade responsable do programa Entre Crebas que reconvirte persoas privadas de liberdade en axentes do cambio”, estenden o día, que se celebra o 5 de xuño, a toda a semana, e convoca dúas importantes xornada de limpeza e concienciación contando coa colaboración de diversos colectivos sociais tanto na praia herculina de Riazor como no areal de Camelle. Todo, baixo o lema “Pola limpeza do noso mar, pola saúde dos oceános”.

Mércores 4 de xuño: Limpeza de lixo mariño na praia de Riazor

A entidade une na xornada do 4 de xuño, a partir das 11:00h, a varios colectivos singulares, convertindo a acción medioambiental en unha actividade de reinserción social. Internos do Centro Penitenciario de Teixeiro e do Centro de Inserción Social da Coruña (CIS), coordinados pola Fundación Erguete Integración, unirán as súas máns aos do voluntariado de Mar de Fábula e aos usuarios de ASPRONAGA (que sempre aportan a súa enerxía tan especial), para limpar o noso meirande tesouro natural.

Despois da limpeza e caracterización do lixo recollido, todos os participantes celebraremos un grande acto simbólico compartindo o planeta, “a nosa casa común”, ao longo dos 600 metros do areal de Riazor, sala de estar da cidade da Coruña aberta a todas as olladas e a todos os veciños que se queiran unir, facendo como propio o obxectivo de traballar por unha sociedade inclusiva que recoñece e fai súa a diversidade dos seus membros, os memos dereitos e oportunidades para todos.

Mar de Fabula Dia dos Oceanos

Venres 6 en Camelle

Para a xornada do venres, o voluntariado da entidade une as súas mans, neste caso, coa comunidade escolar do CEIP da Ponte do Porto. 160 estudantes, e todo o profesorado do centro, 17 docentes, xunto cos cativiños da Escola Infantil de Camelle baixarán unha vez máis o areal de Camelle, para unir as súas mans na limpeza do lixo mariño que con alta frecuencia, os ventos e as corrrentes da Costa da Morte achegan á nosa praia.

Despois da limpeza e caracterización do lixo recollido, celebrarán un segundo grande acto simbólico compartindo o planeta, a nosa casa común, ao longo dos 300 metros do areal de Camelle. Por último, cos refugallos apañados, construirán mandalas na area en homenaxe á memoraia de Man, o Alemán de Camelle.

Máis novas

A incansable loita contra as cabichas nas praias

Entre Crebas: As persoas do CIS invitan á sociedade a limpar a Praia de Santo Amaro

Cando as persoas privadas de liberdade se convirten en “axentes do cambio”

 

 

ÚLTIMAS

Cando limpar praias é un verdadeiro exercicio de inclusión

Emocionante xornada a vivida esta mañá na praia de Riazor. A Asociación Mar de...

Aprobado o convenio de financiamento entre Xunta e Concello para licitar o centro de saúde e centro cívico de Santa Lucía

Pasiño a pasiño avanza a eterna rehabilitación do centro de saúde e o centro...

O Museo de Belas Artes acolle na Coruña unha mostra sobre Isaac Díaz Pardo

O Museo de Belas Artes da Coruña acolle unha mostra sobre a figura de...

A Xunta propón recuperar e expoñer os murais de Urbano Lugrís na rúa Olmos

Representantes da Xunta e do Concello da Coruña participaron nun encontro para concretar o...

DEIXAR UN COMENTARIO

Please enter your comment!
Please enter your name here