Unha colisión entre un bus urbano e un turismo en Pocomaco, ocorrida a última hora da tarde deste xoves, saldouse con 13 persoas feridas leves, segundo informou o CIAE 112 Galicia.

O 112 recibiu unha chamada dun particular alertando do accidente, que se rexistrou no polígono de Pocomaco, e avisando de que viaxaban bastantes pasaxeiros a bordo do autocar.

En concreto, resultaron feridos leves 10 ocupantes do bus, a condutora e 9 usuarios; e o tres ocupantes do turismo. O chofer acudiu polos seus propios medios a un centro médico, mentres que o resto de afectados tamén foron evacuados, con lesións de escasa consideración.

Ademais dos profesionais sanitarios, neste dispositivo participaron axentes da Policía Local da Coruña.

Por outra banda, fontes policiais informaron doutra colisión por alcance rexistrada sobre as 7.45 horas deste venres na Avenida Alfonso Molina, en sentido entrada á cidade herculina. O accidente causou retencións momentaneamente.