A profesora do Departamento de Pedagoxía e Didáctica da Universidade da Coruña (UDC) Belén García Cabeza foi recoñecida co premio á mellor tese doutoral no IV edición do Premio de Investigación en Estudos de Xénero do Grupo 9 de Universidades (G-9), convocado con carácter estatal e aberto a todas as universidades públicas españolas.

Segundo informa a institución educativa, o traballo galardoado leva por título ‘A (de)construción de identidades de xénero de adolescentes migrantes estudantes de ESO na Coruña: discursos e prácticas en contrapunto de-desde o sur-sur contorna a feminidades e masculinidades” e foi seleccionado entre as 20 candidaturas presentadas.

A entrega do premio, engade, dotado con 1.500 euros e diploma acreditativo, tivo lugar no marco da Asemblea de Reitoras e Reitores do G-9.

A súa tese, que obtivo a cualificación de sobresaliente cum laude no Programa de Doutoramento en Equidade e Innovación en Educación da UDC, analiza “desde unha perspectiva cualitativa, feminista e interseccional a influencia do sistema educativo na (de)construción das identidades de xénero en alumnado migrante latinoamericano escolarizado en centros públicos da provincia da Coruña, explica a UDC.