A Policía Local da Coruña investiga as circunstancias dun accidente ocorrido entre unha moto e un coche Uber ocorrido na noite do domingo nun cruzamento da cidade.

Segundo informan a Europa Press diferentes fontes consultadas, o suceso tivo lugar sobre as 23.15 horas nuns semáforos na intersección entre a Avenida de Arteixo e a rúa Juan Flórez.

Como consecuencia do impacto, o condutor da moto, un mozo novo, caeu ao asfalto e foi trasladado por unha ambulancia do 061 ao Complexo Hospitalario Universitario da Coruña (Chuac).

De acordo con fontes da Policía Local, “non está claro” cal dos dous vehículos foi o responsable deste accidente que enmarcan na normalidade dos “moitos” que ocorren na cidade a diario.