Inaugurouse onte o novo local da Federación de Asociacións Veciñais da Coruña e Área Metropolitana, situado no renovado Centro Cívico do Birloque.

Representantes dos tres grupos municipais e da delegación do goberno participaron no evento, que ofrece un espazo a estaentidade que aglutina a 52 asociacións a agrupacións veciñais dos barrios de Monte Alto, Os Rosales, A Mariña, A Zapateira ou Os Castros, así como entidades de Carral, Oleiros, Culleredo ou mesmo Cerceda, o que a converte nunha das redes de  participación cidadá máis activas e representativas da área  metropolitana.

O novo local, integrado no recentemente reformado centro cívico,  permitirá á entidade desenvolver o seu traballo en condicións óptimas:  con espazos accesibles, recursos tecnolóxicos e capacidade para  organizar actividades, encontros e proxectos veciñais.