O noroeste da Coruña e a Costa da Morte activarán este sábado a alerta amarela por temporal costeiro ao esperarse vento de forza sete. Segundo recolle Meteogalicia na súa páxina web, a alerta comezará este sábado ás 12.00 horas e finalizará ás 18.00 horas da mesma xornada.

Desta forma, espérase vento do suroeste entre Sisargas e Estaca de Bares e que alcanzará forza sete. Todo iso nunha xornada na que Galicia se manterá nunha situación atmosférica marcada polas baixas presións do Atlántico norte que deixarán unha fronte fría ao final da xornada.

Así, segundo Meteogalicia, a nebulosidade aumentará pola mañá e haberá choivas débiles que se irán xeneralizando durante a tarde e pola noite. As temperaturas terán un lixeiro ascenso e o vento será do suroeste, con intervalos moderados no litoral e zonas altas do interior.