Os temas máis demandandados polos centros educativos da provincia da Coruña, no marco do Plan Director do Goberno central , foron os relacionados coa presenza dos menores na contorna dixital; ciberseguridade e TIC; acoso e ciberacoso; adiccións e violencia de xénero. sí o destacou a Subdelegación do Goberno na Coruña nunha nota de prensa este martes, día no que se realizou a exhibición de medios da Garda Civil no CEIP Ramón Otero Pedrayo da Laracha, onde se congregaron máis de 2.000 escolares. Dita actividade, esta incluída no Plan Director para a Convivencia e a Mellora da Seguridade nos Centros Educativos e as súas contornas.

No marco deste plan, a provincia acolleu en 2024 o 40% das actividades realizadas en toda Galicia, con 2.016 accións formativas e informativas das 5.027 organizadas en Galicia. En total, 35.744 persoas da comunidade educativa coruñesa participaron nestas propostas, que chegaron a 331 centros educativos.

Durante a xornada, o sudelegado do Goberno na Coruña, Julio Abalde, recalcou que é fundamental achegar ao alumnado o traballo e os medios da Garda Civil, porque desta forma “coñecen de primeira man o seu labor, aprenden sobre seguridade cidadá e adquiren valores de convivencia e responsabilidade que lles serán útiles ao longo da súa vida”. sí, ao longo da mañá realizáronse demostracións prácticas, como a detección de explosivos e exercicios de rescate. Ademais, animouse ás persoas asistentes a colaborar cunha doazón de alimentos destinada a Cáritas A Laracha.