As fortes choivas da tarde deste martes causaron afectacións ao tráfico por balsas de auga en diversos puntos da cidade da Coruña. De feito, os Bombeiros da Coruña tiveron que intervir, minutos antes das 20.00 horas desta xornada, para desatascar sumidoiros na rotonda posterior ao túnel de Eirís. Tamén se produciron retencións no paseo marítimo. Desta forma, o noroeste da Coruña estivo, dende as 22.00 horas do martes e ata as 09.59 deste mércores, en alerta amarela ao agardarse precipitacións que podían alcanzar os 40 mm en 12 horas.