O Ministerio de Educación, Formación Profesional e Deportes de España vén de recoñecer o CIFP Universidade Laboral de Culleredo como Centro de Excelencia de Formación Profesional. Unha designación que conleva un investimento directo de 1 millón de euros, o que permitirá modernizar instalacións e equipamentos, impulsar proxectos de innovación educativa e fortalecer a conexión entre a FP e o tecido produtivo da comarca.
Segundo o alcalde de Culleredo, Rioboo, este recoñecemento é “unha magnífica noticia para Culleredo e para toda Galicia. Este recoñecemento premia o traballo dunha comunidade educativa comprometida e reforza o papel do Laboral como referente formativo e tecnolóxico”, destacou o alcalde de Culleredo.
Aproveitou o rexedor para critica “a falta de investimento da Xunta de Galicia nuns centros que en moitos casos superan ou roldan os 50 anos de antigüidade”.
Tres centros coruñeses, entre as 25 “catedrais educativas” de Galicia
