O Concello e a Deputación da Coruña asinaron este viernesun novo convenio de colaboración para o financiamento da casa de acollida e de dous pisos de inclusión e transición á vida autónoma para mulleres vítimas de violencia de xénero na cidade.

A alcaldesa, Inés Rey, e o presidente provincial, Valentín González Formoso, foron os encargados de asinar o acordo, que supón unha achega provincial de 121.000 euros, un 24% do orzamento para estes equipamentos municipais. O Concello achega preto de 350.000 euros.

“Este acordo axuda a prestar un servizo esencial no que todas as administracións debemos ir da man para erradicar dunha vez por todas unha das grandes secuelas da sociedade”, sinalou a rexedora.

“A rede provincial de casas de acollida desempeña un papel fundamental na atención a un colectivo especialmente vulnerable, son espazos que ofrecen protección, acompañamento e novas oportunidades a mulleres que atravesan momentos moi difíciles das súas vidas”, afirmou, á súa vez, o presidente da Deputación.