Os sindicatos CIG e UXT convocaron para este mércores, día 10, unha folga no comercio téxtil da provincia de A Coruña en rexeitamento á intención da patronal ARTE (que inclúe Inditex, Mango, H&M, entre outros) de impoñer un convenio de ámbito estatal con peores condicións laborais que o provincial.

As centrais sindicais denuncian que o convenio estatal suporía un retroceso para o persoal ao impor salarios máis baixos (entre 2.000 e 3.000 euros menos anuais), eliminar calquera concepto retributivo ligado á antigüidade, reducir as licenzas e suprimir a voluntariedade do traballo nos domingos e festivos.

A folga, que coincide coa reunión da comisión negociadora en Madrid, contará cunha concentración de traballadores ás 12.00 horas na praza de Lugo, na Coruña.