O portavoz do grupo municipal do PP no Concello da Coruña, Miguel Lorenzo, ratificouse nas súas denuncias sobre “acoso” a funcionarios municipais, tras o anuncio dunha querela por parte da rexedora, a socialista Inés Rei, na sesión plenaria celebrada este xoves.

“A alcaldesa debe pedir perdón publicamente ao tres funcionarias e ao funcionario a quen acosaron verbalmente e presionado”, sentenciou nunha rolda de prensa na que manifestou que non vai “calar”.

“Irei ao xulgado a ratificarme en todo, denunciei e denunciarei as veces que faga falta os casos de acoso verbal, presións ou inxerencias no traballo dos funcionarios por parte do goberno municipal”

“O xoves denunciei o acoso verbal a tres funcionarias de Urbanismo por cumprir coa súa obrigación de enviar unha documentación solicitada por Fiscalía sobre as obras que fixo Lage Tuñas en dúas pisitos, por mor dunha denuncia que non foi anómina”, sostivo en referencia ao portavoz do goberno local.

Todo isto despois de que a Fiscalía acordase o arquivo das dilixencias de investigación preprocesal en relación ao cambio de uso do piso que o edil socialista e portavoz do goberno local coruñés, José Manuel Lage, adquiriu na avenida do Exército e cunhas obras que, segundo sostivo a oposición no seu momento, iniciáronse sen licenza.

Fronte a iso, Lage argumentou no seu día que “cumpriu escrupulosamente coa lei” en relación ás actuacións levadas a cabo no mesmo. O xoves, na sesión plenaria celebrada polo consistorio, Lage deu lectura ao decreto do Ministerio Público.

Nel, notifícase o arquivo das dilixencias iniciadas tras a denuncia dun particular por posibles irregularidades na tramitación da licenza en relación co inmoble situado na avenida do Exército.