Dous axentes da Policía Local da Coruña resultaron feridos de carácter leve tras participar nunha intervención no barrio de Matogrande, que se saldou cunha detención. Así o informa, a través de redes sociais, a Asociación Profesional da Policía Local da Coruña que sinala que os feitos se produciron na quenda de mañá do domingo.

Foi tras unha chamada alertando da presenza dun grupo de persoas que estaban a causar molestias no barrio, o que motivou que os axentes se desprazasen ata o mesmo. Unha das persoas mostrouse, indican, “agresiva” polo que os policías procederon á súa detención co resultado de dous axentes con lesións de carácter leve.