A alcaldesa da Coruña, Inés Rey, mantivo esta mañá unha reunión institucional con Alberto Gago Fernández, novo director da Axencia Española de Supervisión da Intelixencia Artificial (Aesia), con sede na cidade.

Durante o encontro, Rei puxo en valor o traballo que está a desenvolver o organismo e ofreceulle ao seu novo responsable toda a cooperación do Concello, co desexo dunha frutífera andaina á fronte da entidade. Durante a reunión, a rexedora expresou o apoio do goberno municipal ao labor da institución e destacou a importancia da súa implantación na Coruña.

A presenza desta Axencia reafirma o posicionamento da cidade como referente no ámbito da innovación tecnolóxica con garantías democráticas e supervisión pública, sinalou a alcaldesa, quen tamén destacou a vontade da administración local de seguir colaborando activamente para facilitar o seu desenvolvemento. Rey lembrou tamén que este ano o Concello afrontará a rehabilitación do edificio da Terraza, que será a sede definitiva da entidade na cidade herculina.