O Concello da Coruña non faltou a FITUR. Sen a involucración do ano pasado, pero coa idea de presentar as liñas estratéxicas municipais, o Concello presentou a estratexia e a programación turística e cultural da Coruña para este ano en Fitur: o exli. Fíxoo nun acto celebrado en IFEMA, no posto de Galicia, que contou coa presenza de destacadas autoridades e cargos dos sectores turístico e cultural a nivel nacional: o eclipse do 12 de agosto, e a candidatura á Rede de Cidades Creativas da UNESCO.
O lema: ‘A Coruña, CidadEclipse’
A Coruña presentouse nesta feira como o mellor lugar de Europa onde observar a eclipse total de sol do 12 de agosto, feito que reforza a celebración na cidade de dous importantes
congresos astronómicos nesa semana: Third Solar MHD Conference e New Frontiers in Cosmology. O Concello traballa xa en múltiples accións arredor da eclipse a través dunha
comisión de seguimento que implica a diferentes áreas municipais.
Foi o xerente do Consorcio de Turismo da Coruña, Antón Álvarez, o que anunciou a campaña baixo o lema ‘A Coruña, CidadEclipse’, na que se organizarán exposicións, charlas divulgativas, accións culturais e crearanse puntos de observación de cara a este acontecemento histórico, que non se vive na cidade desde 1905 e non se repetirá ata o ano 2180.<&p>
O 12 de agosto habilitaranse puntos de observación no Portiño, Parque de Bens e Monte de San Pedro, para os que se deseñará un dispositivo de tráfico especial con aparcamentos disuasorios. Tamén haberá puntos especiais de observación en cada distrito da cidade e un punto accesible para as persoas con mobilidade reducida. Haberá ese día unha programación cultural especial, con actuacións da orquestra Os Satélites e a Banda Municipal de Música, que ofrecerá un concerto especial, interpretando bandas sonoras de películas con temática espacial.
A Coruña, candidata á Rede de Cidades Creativas da UNESCO
Por outra banda, Gonzalo Castro anunciou durante o acto que A Coruña é candidata para formar parte da Rede de Cidades Creativas da UNESCO, no eido do cinema e audiovisual.
A Rede de Cidades Creativas da UNESCO (UNESCO Creative Cities Network – UCCN) é un programa da UNESCO creado en 2004 que reúne cidades de todo o mundo que recoñecen a creatividade e as industrias culturais como factores estratéxicos para o desenvolvemento urbano sostible, inclusivo e innovador.
Visitantes
Durante o acto tamén se fixo balance dos principais indicadores turísticas do 2025 na cidade da Coruña, resultando un crecemento do 20% no número de
visitantes estranxeiros e un 12,8% no turismo interno. Tamén aumentaron os índices de ocupación hoteleira, cun aumento do 12,43% en viaxeiros e un 13,3% en pernoitas. Medran
tamén as cifras de escalas de cruceiros, concretamente un 42% entre 2023 e 2025.
