A Deputación da Coruña organiza, un ano máis, un programa para promover a creación de contidos en galego entre os mozos, segundo informou a deputada de Lingua, Sol Agra, xunto a Borxa González, representante de Orgullo Galego.
Esta entidade e o organismo provincial son os impulsores dunha iniciativa que, baixo o nome de ‘O galego na música e nas redes sociais’, chegará nesta ocasión a 22 centros.
Será, explicou a deputada provincial, co obxectivo de “fomentar o uso do galego no ámbito dixital e promover a creación de contido nas redes sociais” neste idioma.
“Un programa que xa se puxo en marcha o ano pasado, incorporando nesta ocasión tamén a música que se pode atopar nas plataformas”, resumiu para alertar, por outra banda, da perda de mozas que falan en galego non só no ámbito urbano senón tamén o rural.
“Son charlas necesarias”, incidiu, pola súa banda, Borxa González, quen insistiu en que o galego “non resta, suma”. Ademais, destacou a presenza de persoas que usan este idioma non só para falar del senón tamén para utilizalo para difundir outras cuestións como “ciencia, deporte ou maquillaxe”. “O idioma non limita”, insistiu.
AMEGA presenta unha guía didáctica sobre a historia dos medios en galego,
