InicioCULTURAAMEGA presenta unha guía didáctica sobre a historia dos medios en galego,

AMEGA presenta unha guía didáctica sobre a historia dos medios en galego,

Publicada o

Por editor

Despois do éxito do festival polo Día dos Medios en Galego celebrada no Playa Club, a Asociación de Medios en Galego (AMEGA), no marco do XI aniversario do Día dos Medios en Galego (o 7 de febreiro coincide coa saída da primeira publicación monolingüe en galego O Tío Marcos d’A Portela, editado por Valentín Lamas Carvajal no ano 1876) vén de presentar a guía didáctica Coñecendo a historia dos medios en galego.

Trátase dunn recurso educativo que busca achegar ao alumnado do ensino secundario a realidade do xornalismo na nosa lingua.

A guía, elaborada por Mazarelos SCG, Miguel Rodríguez e Brais Ferreiro, e enmarcada dentro do décimoprimeiro aniversario de AMEGA, estrutúrase en diversas propostas didácticas que combinan o coñecemento histórico cos desafíos actuais da comunicación en galego. A súa metodoloxía fomenta o pensamento crítico do alumnado e promove o uso dos medios en galego como ferramenta transversal na educación.

O material será traballado en centros de diferentes localidades, como o IES Punta Candieira (Cedeira), o IES de Cacheiras (Teo) e o CPI Virxe da Cela (Monfero), permitindo que o alumnado coñeza desde a historia dos primeiros xornais en galego ata a situación actual da prensa, radio, televisión e medios dixitais.

A publicación, realizada coa colaboración da Deputación da Coruña, será impartida en diversos centros educativos da provincia e xa pode ser descargada en www.mediosengalego.gal/guiadidactica.

Guia Didactica Medios en Galegp
Imaxe dunha parte da guía

Máis novas

AMEGA, Leria e A Banda da Loba levaron o galego ao Playa Club

ÚLTIMAS

Mariscadores do Burgo piden a Xunta e Goberno axudas mentres non poidan faenar: “Non temos resposta”

Mariscadores e mariscadoras da ría do Burgo secundaron este luns unha nova concentración ante...

Fina Paulos, segunda mellor mestra de Secundaria nos Premios estatais Educa

O sábado 15 de marzo celebrouse na Coruña a gala de entrega dos VIII...

Avanza as obras para a remodelación dos Cantóns

Este pasado mércores comezaron as actuacións preliminares ao comezo das obras de remodelación dos...

Arrincan as obras de humanización da rolda peonil da rúa Sagrada Familia

Hoxe luns, día 17, arrincarán as obras correspondentes á primeira fase da humanización da...

DEIXAR UN COMENTARIO

Please enter your comment!
Please enter your name here