Este mércores están convocados polo IMCE a unha reunión informativa, pero a realidade é que xa van 15 días de silencio dende que o Concello anunciaba o rescate a medias do Programa de Lecer polos continuos impagos de Serviplús. Pero os docentes das aulas culturais do Fórum e do Ágora non se fían e convocaron as primeiras accións de reivindicación.
Arroupadas con preto de medio millar de usuarios e usuarias do programa que secundaron ao profesorado arroupados polos seus paraugas, os docentes realizaron a “aula aberta” de protesta pero tamén de benvida (xa deberían estar funcionando os cursos) dende o balcón de Paidea.
Con pancartas de “Solución Xa” para o programa de Lecer, Carmela Galego, unha das representantes dos docentes, leu un manifesto coas súas principais preocupación. Aproveitaron para facer unha clase de historia da visita de Lorca a María Pita da man de Antonio Couto, e Sara Fraga acabou cantando a coro cos comprometidos usuarios.
Reunión co PP
Dúas representantes dos docentes tamén mantiveron esta mañá. unha reunión co voceiro do PP Miguel Lorenzo, que escoitou as demandas dos traballadores (alucinou coas precarias condicións laborais, por certo), e se comprometeu a conseguir unha resposta firme do edil Gonzalo Castro.
Máis accións
Á espera das novas recibidas este mércores polo IMCE, os docentes pretende continuar coas mobilizacións este xoves 12, ás 09.30 cunha cacerolada ás portas do Concello coincidindo co pleno.
Máis novas
Os docentes do Programa de Lecer deciden emprender accións de presión
O IMCE convoca aos docentes do Programa de Lecer a unha reunión
O Concello rescata, a medias, aos traballadores do Programa de Lecer do Fórum e do Ágora
