Unha incidencia técnica, sobre a que Renfe non deu máis detalles, obrigou a deter un AVE que estaba programado para saír da Coruña ás 07.15 horas e tiña prevista a súa chegada a Madrid ás 11.05 horas. Preto das 10.00 horas deste sábado, a operadora informou en ‘X’, en resposta a unha usuaria que reportou un atraso de máis dunha hora, que o tren 04364 atopábase detido por un motivo técnico. “Estamos a traballar para recuperar o servizo canto antes”, indicou. Esta detención produciuse durante o terceiro día consecutivo no que Renfe suspendeu a circulación de todos os trens con orixe ou destino Vigo, o que afecta as conexións con Santiago de Compostela e Ourense.