A Fundación Amador de Castro, en colaboración con Galzheimer Care, pon en marcha a Escola de Coidado e Saúde, un novo proxecto dirixido a persoas coidadoras de persoas con enfermidade de Alzheimer e outras demencias, co obxectivo de ofrecerlles un espazo onde aprender, compartir e sentirse acompañadas.
Unha escola que se concíbe como un proxecto estratéxico e sostido no tempo, non como unha acción puntual, cun itinerario formativo queano abordará aspectos clave como a comprensión da enfermidade, o manexo de situacións cotiás, o afrontamento ao estrés, a corresponsabilidade, a xestión emocional ou o autocoidado. A primeira sesión sobre “Sentimentos e emocións” celebrarase o vindeiro 24 de febreiro no Santander Work Center da Coruña.
A Escola nace desde a escoita activa ás necesidades das persoas coidadoras, que frecuentemente afrontan o coidado en soidade, cun alto desgaste emocional e poucas oportunidades para deterse e pensar en si mesmas. A través de sesións formativas e vivenciais, o proxecto propón un lugar seguro de aprendizaxe, reflexión e acompañamento ferramentas emocionais e prácticas para o día a día do coidado.
“Coidar a unha persoa con Alzheimer é un camiño complexo, cheo de amor, pero tamén de cansazo, dúbidas e medos. Con esta Escola queremos comunicar ás persoas coidadoras Susana de Castro, patroa da Fundación Amador de Castro, e engade, “necesitan espazos onde poidan parar, aprender e sentirse sostidas. A Escola de Coidado e Saúde non é só un espazo formativo; é un lugar de encontro. Aquí se valida la experiencia de quen coida, compártese o vivido e constrúese apoio mutuo. Coidar tamén implica coidarse”.
En palabras de Ana Díaz Cortés, presidenta de Galzheimer Care, “en Galicia estímase que preto de 70.000 persoas conviven coa enfermidade de Alzheimer e outras demencias, unha realidade que afecta non só a quen a padece, senón tamén a miles de familias e persoas Coidadoras. Neste contexto, accións como a Escola de Coidado e Saúde vólvense imprescindibles, xa que ofrecen apoio, formación e acompañamento aos que sosteñen o coidado día a día, moitas veces en silencio e con escasos recursos formativos e emocionais”.
Máis novas
A investigadora Ana Díaz pon en valor a importancia dos coidados no Alzheimer cun novo libro
