O Concello da Coruña restableceu o tráfico na Terceira Rolda, na Coruña, despois de permanecer pechada na tarde do mércores e boa parte do xoves por seguridade tras afectar o forte vento á estabilidade dun pórtico de sinalización. En concreto foi entre a zona do Pavo Real e o Marineda.

Así o informou o consistorio a través de redes sociais nas que especificou que o forte vento, de ata 110 quilómetros por hora, afectou á estabilidade do citado pórtico.

Foi en sentido saída á altura da estrada de Bens. Os guindastres desprazados á zona non puideron actuar debido á intensidade do vento. Agora o tráfico está xa restablecido despois de realizar as tarefas de mantemento da vía.