Continúa avanzando a folga dos sanitarios en toda España. Unha folga de médicos e facultativos convocada a nivel estatal para reclamar do Ministerio de Sanidade negociación dun estatuto propio para a profesión, e que alcanza esta mañá un 83% nos hospitais e roza o 30% nos centros de saúde dependentes do Servizo Galego de Saúde (Sergas).
Ademais, centenares de médicos concentráronse hoxe, ás once da mañá, ante os principais hospitais da Coruña, Vigo, Santiago, Lugo e Ourense e mañá farano en Ourense, Santiago, A Coruña e Lugo.
Novas concentracións
O ‘ Mega, o sindicato médico máis representativo en Galicia e a única organización sindical galega que forma parte do comité de folga estatal, convocou tamén para o venres concentracións de médicos e facultativos ante os hospitais de Vigo, A Coruña, Santiago, Lugo e Ourense.
O sindicato maioritario entre os médicos e facultativos galegos mantén tamén para o 2 de marzo convocatoria de folga indefinida para esixir da Xunta un plan de choque que permita desconxestionar a Atención Primaria e reducir as listas de espera en Galicia.
Máis novas do conflito
Gran seguemento á folga sanitaria nos Hospitais e menor nos Centros de Saúde
Os médicos convocan folga indefinida dunha semana cada mes, para reclamar un estatuto propio
