Madrid, Barcelona e… A Coruña. Non é casualidade que a feira BioCultura faga parada anual, dende hai 8 anos, na nosa cidade. Porque Galicia é unha das comunidades con maior gasto en alimentos ecolóxicos de España, cunhas vendas de 113 millones de euros ao ano (uns 88€ de consumo per cápita, polos 66 do conxunto estatal) tendo ademais 1.410 de produtores locais.

De aí vén o arraigo desta proposta de posta en valor a importancia económica do mercado ecolóxico, con esta gran feira que encheu ExpoCoruña durante toda a fin de semana con . 135 empresas expositoras e máis de 120 actividades de alimentación ecolóxica, ecoturismo, cosmética ecocertificada, téxtil sostible, saúde natural… Arredor de 15.000 persoas pasaron por esta feira que este ano xa marida a cultura “bio” co ecoturismo, mundos paralelos, afíns e que se retroalimentan.

Un mar de propostas para unha sociedade nas antípodas dese mundo de destrución, contaminación, guerras, enfermidade e sinsentido polo que camiña o século XXI e ao que, desgraciadamente, nos estamos a habituar… Un Movemento Ecolóxico que aposta por un futuro sen pesticidas, sen cambio climático, con vida no rural, san, limpo, xusto e pacífico.

Encontros profesionais

O venres pola mañá, BioCultura foi un fervedoiro de profesionais do ecoturismo (e de estudantes da Facultade de Turismo da Universidade da Coruña) e daba gozo ver a uns e outros por aquí e por alá facer negocios e crear sinerxías positivas. O workshop de ecoturismo foi un éxito absoluto, por exemplo.

Dende as súas orixes, o movemento “bio” recalcou a relevancia de que o alimento orgánico, para pechar o círculo do ecolóxico, ten que ser o máis local posible. Neste sentido, o CRAEGA (Consello Regulador da Agricultura Eclóxica de Galicia) desembarcou na feira cunha nutrida representación de produtores e produtoras galegos de alimentos ecolóxicos de diversa índole, desde pastas a mel, desde algas a queixos, sempre en “bio” , que deron a degustar ao público, que gozou con eses excelentes e sabrosísimos produtos.

Pero tamén houbo produtos doutras comunidades e as persoas asistentes a BioCultura A Coruña non só puideron adquirir e saborear produtos galegos. Tamén puideron apreciar o gran valor dos aceites de oliva andaluces e cataláns, dos queixos asturianos e/ou dos produtos cántabros que acudiron á feira baixo o paraugas de ODECA (a Oficina de Calidade Alimentaria de Cantabria que tamén inclúe os produtos orgánicos cántabros) , que na actual edición presentou sidras, conservas, hortalizas, cítricos, zumes, marmeladas, etc.

Funcionou moi ben o bulicioso showcooking cunha maraea de xente interesándose polas propostas ecogastronómicas, obradoiros, receitas, degustacións, presentacións, etc., desde a mañá ao peche do salón.

Outras realidades

Dentro do consumo responsable, por exemplo, non para de crecer a tendencia da cosmética natural e ecolóxica certificada. Nese sentido, o showroom da Rede EcoEstética supuxo un punto de encontro para empresas e consumies/as de produtos de cosmética e de hixiene que lle dan as costas a ftalatos, e outros produtos tan perigosos para a saúde das persoas como para a saúde dos ecosistemas.

Compre destacar, neste sentido, que se puido coñecer e apreciar produtos ecocosméticos de empresas galegas, catalás, madrileñas… que apostan por un mundo sen ingredientes que poden ser carcinoxénicos e disruptores hormonais. Tamén o téxtil sostible é unha tendencia á alza. Empresas portuguesas, catalás, estremeñas… presentaron as súas novidades con tecidos ecolóxicos e ecosofías adscritas a unha sustentabilidade real, moi lonxe do “greenwashing” que practican moitas grandes empresas do téxtil, da cosmética e da alimentación.

Universo holístico

Máis aló das actividades paralelas do showcooking ecogastronómico e do showroom da ecoestética, as diferentes salas e espazos da feira foron lugar de encontro para as persoas que entenden a saúde como un universo holístico. O FYN (Festival de Ioga do Noroeste) aglutinou a un bo número de persoas (todas traíanse a súa esterilla para as sesións) que atopan no ioga unha forma de vida con paz e relaxo nun mundo cada vez máis estresado e pernicioso.

En saúde holística, as conferencias de Mariana Aróstegui, Chiara Marongiu, Fernando Aparicio e os irmáns Ruanova (Iago e Antón) axudaron a entender que somos herdeiros dun pasado xenético e coevolutivo. Se as nosas vidas e rutinas se afastan daquilo para o que os nosos organismos foron deseñados, a enfermidade aparecerá tarde ou cedo.
O doutor Salvador Ramos, experto en talasoterapia, presente na feira, puxo en voga o concepto “déficit de Natureza” para referirse a como enfermamos na medida en que os nosos hábitos e corpos afástanse do contacto íntimo e profundo coa Natureza.

“BioCultura quere achegar un granito de area para un modelo de sociedade máis ético e sostible e ser un lugar de visita para todas as persoas que aspiran a iso. Ah, e non esquezamos que a programación infantil e familiar permitiu educar a moitos nenos e nenas nunha forma de vivir, de alimentarse e de consumir que non busca máis, senón mellor. Eles e elas gobernarán o mundo que está por vir e é necesario educalos desde pequenos/as nunha concepción ecualifica da vida”, reflexiona un dos promotores, Antón Sánchez.

Imaxe da edición do ano pasado

O sector ecolóxico galego fai un balance positivo da feira BioCultura A Coruña