A Garda Civil investiga a un home de 30 anos, de nacionalidade española, como presunto autor de varios delitos contra a seguridade viaria e a Administración de Xustiza tras a súa implicación nun sinistro viario rexistrado o pasado 31 de decembro de 2025.

Os feitos tiveron lugar sobre as 19.15 horas desa xornada no punto quilométrico 2,000 da estrada AC-542, nas inmediacións do municipio de Betanzos , vía autonómica que conecta a localidade de Betanzos con Mesón do Vento e a estrada N-550.

Segundo a investigación realizada polo Equipo de Investigación de Sinistros (EIS) do Subsector de Tráfico da Coruña, no sinistro víronse implicados un turismo e unha motocicleta.

Tras producirse a colisión, o condutor do turismo abandonou o lugar sen prestar auxilio nin comunicar o ocorrido aos servizos de emerxencias. Por mor das xestións practicadas polos investigadores, logrouse identificar ao presunto condutor implicado.

Durante o transcurso da investigación púidose comprobar, ademais, que o investigado presentara posteriormente unha denuncia falsa, simulando o roubo do vehículo coa finalidade de eludir a súa responsabilidade no sinistro.

Por estes feitos, a Garda Civil procedeu á súa investigación como presunto autor dun concurso de delitos por abandono do lugar do accidente, lesións por imprudencia e simulación de delito.

As dilixencias instruídas foron remitidas ao xulgado de instrución en funcións de garda do partido xudicial de Betanzos.