O incendio declarado este xoves no municipio coruñés da Laracha quedou extinguido nas últimas horas, segundo informou a Consellería do Medio Rural, tras afectar a unhas 33,5 hectáreas de terreo. O lume iniciouse pasadas as 16.00 horas deste xoves na parroquia de Caión, e acabou afectando a 19,5 hectáreas de monte arboledo e 14 hectáreas de monte raso. As chamas quedaron extinguidas pasada a medianoite.

Na extinción do incendio foron mobilizados en total 5 axentes, 9 brigadas, 8 motobombas, unha pa e 3 helicópteros. A consellería do Medio Rural insistiu en que o teléfono 085 está a disposición dos cidadáns no caso de que detecten algún incendio, e que tamén hai un teléfono anónimo e gratuíto, o 900 815 085, para denunciar calquera actividade delituosa incendiaria.