O Coruña Estudo Inmersivo (CEI) acollerá catro concertos de música audiovisual durante os fins de semana do mes de maio — os días 2,9,16 e 23 — con motivo da primeira edición dun novo ciclo de música audiovisual denominado ‘(In)Visual’, informa a organización.

O cartel está conformado polos artistas Maotik, Marta Verde e José Venditti, Ronsel Oliva e Ana Quiroga, e Mil111, que actuarán na cidade herculina por esa orde nas datas indicadas. Ademais, as entradas xa están á venda a través da plataforma Ataquilla.

O CEI abrirá as súas portas ás 19:30 horas dese catro primeiros sábados de maio e os concertos comezarán ás 20:00 horas. A organización, á súa vez, avanzou que porán un servizo de autobús desde a rúa Juan Flórez, 10, para aqueles que non poidan desprazarse nun vehículo privado.

A iniciativa, que conta co apoio da Deputación da Coruña, definiuse como “unha cita contemporánea que funciona como relato da cidade do futuro”. Así mesmo, busca “a reflexión e a experimentación das novas linguaxes audiovisuais”. En canto á audiencia, está vinculada a prácticas artísticas experimentais e persoas “curiosas pola innovación”.