Este luns 6 de abril, accedía o Concello a manter unha reunión cos usuarios do Programa de Lecer do Fórum e do Ágora. Despois de meses de peticións, a Comité de Usuarios do Forum e da Ágora acodía á Concellería de Cultura para manter unha reunión coa directora do IMCE, Laura Seoane, e o asesor Manuel Pena, unha vez que p concelleiro Gonzalo Castro non puido asistir por motivos médicos.

Segundo os usuarios, a directora do IMCE informou que continúa a idea de comezar os Obradoiros de Primavera canto antes, a través dunha empresa temporal, cuxo nome aínda non se deu a coñece, que se contratará “esta mesma semana”, e que encargará de contactar cos docentes (que seguen sen recibir información directa por parte do concello) para programar o inicio das actividades e comunicarase a data de inicio dos obradoiros.

Informou ademais que dado o atraso no inicio dos obradoiros, estes prorrogaranse ata unha data indeterminada en xuño, incluíndo as actividades de clausura.

Ademais, anunciou que xa se fixeron públicos os novos pregos de condicións para a contratación dunha nova empresa para impartir os obradoiros este próximo outono. Un plegos que non pasaron polas mans dos propios docentes, a pesar das reiteradas demandas e as promesas vertidas durante estes meses por parte da concellería.

Máis novas do conflto

O IMCE aproba os pregos do próximo Programa de Lecer sen as aportacións dos docentes