A Facultade de Ciencias da Educación da Universidade da Coruña (UDC) acollerá o 8 de maio a terceira edición dun dos mellores eventos de Intelixencia Artificial aplicada á educación deste ano, o #IAEducativaDay3.
Este evento, organizado pola Asociación INTEDUA (IAEducativa) en colaboración coa UDC, a Xunta de Galicia e outras institucións educativas e empresariais, preséntase como unha valiosa oportunidade que reunirá a máis de 350 docentes de diferentes países e niveis para compartir, explorar, reflexionar e afondar en como a IA está a transformar a educación e a aprendizaxe nas nosas comunidades.
Tras os exitosos resultados do último evento #IAEducativaDay2, celebrado en Sevilla o 10 de outubro de 2025, os organizadores renovaron o formato, permitindo a participación de máis de 30 líderes internacionais no sector educativo.
Durante o evento, os asistentes poderán gozar de paneis de expertos internacionais, presentacións de alto valor, debates de actualidade, obradoiros, unha mesa redonda e mesmo unha gravación de podcast en directo e unha sala 100 % en liña que mostrará exemplos e mellores prácticas de IA, cun enfoque pedagóxico e consideracións éticas, en diversas institucións.
Este ano, contan co apoio comunicativo de varios socios de comunicación e o patrocinio de varias empresas colaboradoras (Convocatoria de patrocinadores).
A experiencia estará financiada ao 100 % pola Asociación INTEDUA para os participantes, valorada en máis de 350,00 € cada un.
Poden inscribirse nesta ligazón.
Máis novas
Fina Paulos, recoñecida como Mellor Docente de Secundaria de España nos Premios Educa Abanca
A mestra oleirense Fina Paulos lanza un novo libro sobre o uso nas aulas da Intelixencia Artificial
