Tivo que chegar un grupo de mozos e mozas duns instituto de Labañou, de todas partes do planeta, para convencer a un club de 120 anos de historia que o seu nome ten que estar en galego.
Esta pasada noite, sen aínda a confirmación oficial do club, os compañeiros do programa A Penaltis da RagioGalega e o xornalista e escritor Javi Guillén, avanzaron que o “Deportivo deixará de ser de La Coruña e galeguizará o seu nome no vindeiro mes de maio, nunha data sinalada”.
Todo nace da campaña #ODeporéDaCoruña, que levan desenvolvendo dende hai xusto un ano a mocidade do IES Rafael Dieste no marco do seu proxecto pioneiro #Aquítaménsefala (que recentemente acaba de recibir o Premio da Cultura Galega). Ademais, o club realizou unha enquisa entre os seus afeccionados nos que realizaba a pregunta concreta de que nome prefire para o club.
Aínda non hai confirmación oficial, pero dende o proxecto escolar asinten “A mocidade facendo historia”, dando conta da revolución que hai hoxe no centro!
Máis novas
Aquí tamén se fala segue colleitando apoios para normalizar o nome do Dépor
Referentes nacionais pídenlle ao Dépor que por fin sexa “da Coruña”
Antón Corral e a campaña #Aquítaménsefala recoñecidos con sendos Premios da Cultura Galega 2025
“O Dépor é da Coruña”, o novo reto normalizador do #Aquítaménsefala
