Amenceron pechadas as tendas de varias multinacionais esta mañá de venres na Coruña. As traballadoras das tendas, a través dos sindicatos CIG Servizos e UGT, non abriron os comercios no marco da folga convocada para este venres. Protagonizaron ademais concentracións ás portas dos centros comercias de Marineda, Catro Camiños e da Praza de Lugo, que continuarán mañá sábado tamén a partir das 9:30h nos diferentes centros comerciais, e confluíndo na Praza de Lugo a partir das 12:00h.
Simpáticas foi a concentración de Catro Camiños, coas traballadoras cantando as cancións de Bud Bunny, en alusións aos milleiros de euros que a multinacional pagou para que o artista peruano saíse cunha das súas camisetas na final da Superbolw, pero non acepta manter as condicións das traballadoras que poñen a cara diante de cada cluente.
”Queremos vivir, non sobrevivir” berraron en relación á sinatura do convenio que promove a patronal ARTE (na que están presentes as grandes multinacionais do comercio téxtil e do calzado). Un novo convenio, moi por debaixo do que actualmente teñen as profesionais da nosa provincia, que significaría a imposición de salarios entre 2.000 e 3.000 euros anuais, dependendo da categoría, por debaixo do que estabalece o convenio provincial da Coruña. Unha recorte que chegaría os 5.000 euros para o persoal de nova incorporación nas tendas do Grupo Inditex.
Máis novas
As traballadoras das grandes cadeas do textil e calzado póñense en folga
Centos de traballadores do comercio maniféstanse na Coruña por un convenio “digno”
