A Coruña reivindica a figura de Nikola Tesla, científico e enxeñeiro, nunha exposición creada pola Fundación A Caixa e que chega á cidade herculina en colaboración co consistorio coruñés. A mostra pon de relevo a importancia de Tesla na historia da ciencia. “A Tesla, de quen hai documentadas preto de 300 patentes, debémoslle contribucións esenciais para a vida moderna, como, por exemplo, a invención do motor de indución, o desenvolvemento da corrente alterna como fonte de enerxía e a transmisión inalámbrica de enerxía e información, entre outras”, sinala a organización.

A exposición, realizada en colaboración co Nikola Tesla Museum de Belgrado na que os visitantes poden observar en funcionamento os seus principais inventos, pode verse en dúas unidades desplegables que permitirán achegar a ciencia do enxeñeiro a todos os públicos fóra do marco habitual dos museos.

O seu contido foi presentado este mércores polo concelleiro de Educación, Formación e Innovación Tecnolóxica do Concello da Coruña, Juan Ignacio Borrego Vázquez; a responsable Territorial da Fundación A Caixa en Galicia, Susan Santos; a directora de Rede Galicia de CaixaBank, Marta Albela e o asesor da exposición, Sergi Romeu.