Un equipo de investigación vinculado ao Centro de Investigación en Tecnoloxías Navais e Industriais (CITENI) e ao Centro de Innovación Tecnolóxica en Edificación e Enxeñaría Civil (CITEEC) da Universidade da Coruña (UDC) publicou un novo estudo que propón “un modelo innovador” para avaliar a sustentabilidade global dos automóbiles con distintos sistemas de propulsión.

O traballo está asinado por Juan José Cartelle (CITENI); Jesús Cardenal e María Pilar de la Cruz, ambos do campus industrial de Ferrol, e Alfredo del Caño (CITEEC) e foi publicado no Journal of Cleaner Production, revista científica. O estudo, informa o reitorado coruñés, “inscríbese no debate sobre se as tecnoloxías de propulsión son realmente máis sostibles nun contexto no que a comparación entre opcións como o vehículo eléctrico, o híbrido ou o convencional segue xerando controversia“.

Frente a iso, o equipo propón unha ferramenta que permite analizar de xeito conxunto os piares da sustentabilidade de cada tipo de vehículo: o económico, o social e o medioambiental. O modelo apoiase nunha metodoloxía multicriterio de toma de decisións do modelado integrado de valor para avaliacións sostibles.