Unha exposición inaugurada na rúa Compostela, na Coruña, baixo o título ‘Mareas negras. O desastre do Urquiola’, lembra a catástrofe marítima no seu 50 aniversario. Organizada polo Instituto José Cornide e o Concello da Coruña, á inauguración asistiron, entre outros, o concelleiro de Cultura e Turismo, Gonzalo Castro.

A mostra lembra o medio século transcorrido desde o afundimento do petroleiro, que tivo lugar o 12 de maio de 1976 nas costas coruñesas. No acto, o edil indicou que coa exposición ábrese “un espazo de diálogo e coñecemento da historia da cidade, profundando en acontecementos de gran relevancia como este, cun importante transfondo ambiental”.

O obxectivo principal da iniciativa é lembrar as mareas negras que afectaron á costa galega e que tiveron graves consecuencias ecolóxicas na flora e fauna mariña. Segundo lembra o consistorio, o desastre afectou directamente aos bancos de marisqueo e á industria pesqueira da zona, marcando un fito na memoria colectiva da cidade e na loita pola seguridade marítima.