O equipo de transplante pulmonar do complexo hospitalario universitario da Coruña (CHUAC) realizou a pasada semana o transplante de pulmón número mil desde que comezase a realizar este tipo de enxertos no ano 1999. Segundo informa o centro hospitalario, unha vez terminada a intervención deste paciente número mil, a persoa foi trasladada á unidade de reanimación para, posteriormente, pasalo a planta onde se atopa ingresado con estado “satisfactorio”.

Ese mesmo día, segundo engaden desde a xerencia, realizáronse dous transplantes de ril, un de fígado e outro de corazón. “Este labor non será posible sen a implicación dos equipos multidisciplinares”, remarcan desde o centro coruñés para poñer en valor o traballo conxunto dos profesionais.

No que vai de ano, os equipos de transplante do Chuac realizaron un total de 49 enxertos de ril, 17 de pulmón, 16 de fígado, oito de corazón e tres de páncreas. Estas cifras reflicten a intensa actividade do complexo hospitalario no ámbito dos transplantes durante os primeiros meses de 2026.