Volve atacar o grupo do PP a través da execución orzamentaria. Como xa fixo a semana con respecto aos investimentos nos barrios, o voceiro do PP Miguel Lorenzo denuncia agora que o gobeno municipal “só gastou 155.000 € dos 8,3 millóns de € destinados a subvencións para rehabilitación e ascensores en 2025. “Di que a vivenda é a súa prioridade, pero 8,15 millóns de €, o 98 %, quedaron sen usar a pesar de que hai moitos barrios con edificios antigos e residentes con baixos ingresos, o que permitiría a construción de vivendas de alugueiro”, sinalan dende a oposición.
Segundo o informe financeiro, Inés Rey non gastou nin un euro dos 1,17 millóns de € asignados a subvencións para ascensores.
En canto ás axudas para a rehabilitación de edificios, Inés Rey só gastou 134.000 € dos 1,96 millóns de € incluídos no orzamento final, un mero 7%, “cando é unha necesidade urxente en moitos barrios con edificios máis antigos, pero que quedaron sen a convocatoria municipal destas subvencións en 2025”.
Finalmente, para a rexeneración de barrios, as ARI (Áreas de Rexeneración e Mellora), tanto para vivendas como para zonas comúns, o goberno de Inés Rey só gastou 21.000 € dos 5,17 millóns de € incluídos no orzamento total de 2025, “a pesar de que estas axudas son esenciais para rexenerar os barrios máis antigos”.
