O servizo municipal BiciCoruña, impulsado polo Concello da cidade herculina, aproxímase “por primeira vez na súa historia ás 20.000 persoas usuarias, case 4.000 máis que as que se contabilizaban o ano pasado”.
Segundo traslada o consistorio, este incremento está motivado “en boa parte, pola fase de expansión que se completou a finais de 2025”, a cal supuxo a “incorporación de máis bicicletas eléctricas e a posta en servizo de novas bases”. É a actualidade, están operativas 79 terminais en distintos barrios da cidade.
Estas melloras inclúen tamén, engade, o recente traslado do taller de mantemento a unhas novas dependencias no Polígono de Agrela. A nova nave de traballo da EMVSA, que “duplica a capacidade do anterior taller”.
Para a rexedora este cambio supuxo unha “transformación integral tanto da infraestrutura operativa como dos recursos humanos”. A mesma, explica, está destinada ao mantemento e xestión do sistema, co obxectivo de “garantir maiores niveis de calidade, eficiencia e dispoñibilidade”.
Por outra banda, o Concello e Cada Lata Conta — Every Can Counts Foundation, entidade internacional que promove a reciclaxe de latas de bebidas en espazos públicos — colaboran de novo este verán na campaña ambiental ‘A túa lata ao amarelo’, unha das iniciativas divulgativas do goberno municipal para fomentar a reciclaxe entre a poboación.
Máis novas
A Coruña recibe o selo ‘Más Bici’ polo seu avance na mobilidade sostible
Bicicoruña bate marcas: Case 5.000 persoas usuarias cada día
Abertas as inscricións para os novos cursos da Escola da Bici
A Masa Crítica celebrou o seu 20 aniversario reivindicando o papel da bici na cidade
Reciclos, o taller social de Mobi-Liza que segue espallando a cultura da bici
