O sector do taxi mantivo unha reunión onte co equipo de goberno no Pazo de María Pita. Ricardo Villamisar Varela —presidente de TeleTaxi— e Antonio Vázquez Ramos —presidente de RadioTaxi—, manriveron un encontro de traballo co voceiro do Goberno municipal e concelleiro de Economía e Planificación Estratéxica, José Manuel Lage e a concelleira de Seguridade Cidadá e Interior, Montse Paz, coa idea de impulsar unha Área de Prestación Conxunta que mellore o servizo público de taxi na Coruña e a súa área metropolitana e, do mesmo xeito, que facilite e mellore as condicións de traballo dos profesionais do sector.
Seguindo as indicacións da Xunta, tralas problemáticas xeradas arredor do Aeroporto, e os VTC, o Concello traballará cos concellos da área metropolitana para buscar a aprobación dunha ordenanza de carácter supramunicipal que regule a Área de Prestación Conxunta. Ordenanza que será consensuada cos concellos de Oleiros, Arteixo, Cambre e Culleredo e tamén co propio sector antes da súa aprobación para recoller as súas achegas e contribuír así á mellora do servizo para os usuarios mais tamén para que os propios taxistas poidan desenvolver o seu traballo nas mellores condicións posibles.
Máis novas
A Xunta propón crear unha Área de Prestación Conxunta de taxi na Coruña e na súa comarca
Os taxistas volven mobilizarse masivamente na Coruña para esixir que os VTC “cumpran a lei”
