O Tribunal Administrativo de Contratación Pública de Galicia (TACGal) suspendeu preventivamente a licitación do servizo de axuda a domicilio na Coruña tras un recurso presentado por Sumar, segundo informa a formación política.

Con todo, segundo recolle o propio Tribunal no seu ditame tras o recurso, “a suspensión non afecta o prazo de presentación de ofertas”.

“Non estamos a falar dun trámite administrativo menor, estamos a falar dun servizo público esencial e dun contrato de case 60 millóns de euros”, sostén Trinidad Palacios, secretaria comarcal de Movemento Sumar Galicia na Coruña.

A formación cuestiona, entre outros aspectos, a inclusión de tarefas indeterminadas, as limpezas extraordianrias e de choque, o sistema de geolocalización, o cálculo de custos laborais e a información sobre a subrogación.

“Non se pode pór a competir ás empresas por horas dunha prestación que nin sequera está definida con precisión, iso non é garantir igualdade entre licitadores nin seguridade para as traballadoras”, sinala.