O Salón do Cómic Viñetas desde o Atlántico acolle desde este venres unha mostra sobre a Guerra Civil española con adaptación das obras de Paul Preston á banda deseñada realizada por José Pablo García. Casa Museo Casares Quiroga acolle esta exposición, titulada ‘A guerra civil de Paul Preston, do libro á novela gráfica’. Á súa inauguración asistiron o concelleiro de Cultura, Gonzalo Castro; o director do festival, Manel Cranio, e o autor José Pablo García.

Tamén Antonio, artesán de ‘Enxógate’, que elaborou o móbil que representa o bombardeo de Guernica relatado nunha das obras da mostra. Na inauguración, o edil de Cultura destacou que as obras de Paul Preston “axudaron a varias xeracións a comprender a Guerra Civil, a destrución de Guernica e a ditadura fascista”.