A Central Agropecuaria de Galicia Abanca, que se celebra en Silleda, bateu a súa marca no prezo pagado por un exemplar na historia deste mercado: un boi que chega aos 10.521 euros.

Trátase, en concreto, dun boi de raza Frisona, nacido en xullo de 2022 e propiedade dunha explotación de Culleredo. Así, foi adquirido por 10.521 euros por Frigoríficos Bandeira neste mercado, o único de gando vacún informatizado de España.

Con esta cifra supérase a contía do animal que durante case dous anos ostentou o maior prezo acadado por un exemplar na Central; naquela ocasión foi un boi de raza mestiza que se situara nos 10.498 euros na poxa do 8 de outubro de 2024.